Седумдесетгодишна жена од Уганда родила близнаци со помош на ин витро оплодување. Меѓународната болница за акушерство и гинекологија во Кампала, главниот град на Уганда, на својот профил на социјалните мрежи објави дека 70-годишната Сафина Намукваја родила близнаци, момче и девојче.
Наведено е дека овој случај не е само медицински успех, туку и „ја откри силата и издржливоста на човечката природа“.
Во соопштението се наведува дека Намукваја, за која се проценува дека е најстарата жена што се породила во Африка, веќе некое време прави ин витро оплодување и дека ова и е прво породување.
Намукваја изјави дека била „потценета“ од луѓето околу неа бидејќи не се остварила како мајка.
И мајката и бебињата се во добра здравствена состојба.
