Манчестер Јунајтед со 4:2 ја доби пресметката против нисколигашот Њупорт и обезбеди пласман во следната рунда од англискиот ФА Куп. Точно дека бразилскиот интернационалец Антони најпосле се запиша во листата на стрелци, но главна тема во британските медиуми е неговиот соиграч, Маркус Рашфорд, кој не беше во комбинација за тој дуел.
Најпрво се претпоставуваше дека се работи за болест, но како што стојат работите тоа не е така. Репрезентативецот на Англија пред неколку дена беше фотографиран во еден ноќен клуб и изгледа дека фотографиите му се удрија од главата.
Дека има и повеќе од проблем потврди менаџерот на „црвените ѓаволи“, Ерки тен Хаг, кога беше прашан за отсуството на Рашфорд.
-Зошто отсуствува Рашфорд? Тоа е внатрешна работа. Ќе се справам со тоа, изјави холандскиот стручњак.
ЕТХ веќе казни некои од најголемите ѕвезди на Манчестер Јунајтед откако ги прекршија клупските правила. Кристијано Роналдо и Џејдон Санчо беа двата најдобри примери дека Тен Хаг не поднесува недисциплина.
И двајцата беа исфрлени од клубот, но се чини дека Рашфорд не извлекол лекција од сето тоа. Како што пренесуваат англиските медиуми, крилниот напаѓач прво ќе биде парично казнет со 650.000 евра, а потао ќе биде ставен на трансфер листа.
