Актерот од серијалот „Војна на ѕвездите„ Ендру Џек почина од последици од вирусот корона во 77-та година од животот.
Џил Мекала, застапник на актерот кој беше и учител по акцент на познатите, изјави дека неговиот клиент почина во вторникот наутро во болница во околината на Лондон, по компликации предизвикани од вирусот КОВИД-19.
Andrew Jack, who played Caluan Ematt in The Force Awakens and The Last Jedi and voiced Moloch in Solo, passed away as a result of complications he developed from COVID-19. May the Force be with you. pic.twitter.com/97pFsOSN7m
— Star Wars Holocron (@sw_holocron) March 31, 2020
Таа наведе дека сопругата на актерот не можела да биде покрај Ендру поради тоа што се наоѓа во карантин во Австралија, како и дека нема да може да одржи соодветен закоп поради условите што ги диктира глобалната пандемија.
Неговата сопруга напиша на Твитер: „Денес изгубивме човек. На Ендру Џек му беше дијагонистициран КОВИД-19 пред два дена“.
Џек стекна светска слава преку работата на серијалот „Војна на ѕвездите“, делумно како актер, делумно како учител по акцент, а негова заслуга е што Британецот Џон Бојега во улогата на Фин имаше таков американски акцент.
Извор:tmz.com
