ЕК ја казни фармацевтската компанија „Тева“ со 426 милиони евра

Во соопштението, Брисел ја обвини компанијата „Тева“ за „систематско ширење лажни информации за конкурентен производ за да спречи влез на пазарот на тој производ“.

Европската комисија исто така ѝ забележа на израелската компанија дека вештачки го продолжила патентот за лекот за да ги претекне ривалите.

„Тева“ ги отфрли сите обвинувања и изјави дека е финансиски подготвена да се брани.

Компанијата даде уверување дека ги спроведува своите активности легално и етички и дека е солиден партнер на Европа и нејзините пациенти.

„Тева“ е пред се гигант за генерички лекови, но исто така ги продава и своите лекови како што е Копаксон.

Пред петнаесетина дена американското министерство за правда објави дека таа лабораторија ќе плати 450 милиони долари за прекин на цивилните тужби во САД, за плаќање мито за зголенување на продажбата на копаксон и за договарање за цената на еден лек против холестерол, правастасатин.