Сопствениците на кучиња веројатно знаат дека 26 август е голем ден – Меѓународниот ден на кучињата се слави секоја година на тој датум со цел да се подигне свеста за подобра грижа за саканите четириножни пријатели кои бескомпромисно во текот на животот ја изразуваат својата љубов и посветеност кон луѓето.
Сопствениците на кучиња често ја изразуваат својата љубов кон своите миленици, иако знаат дека тоа нема да им биде возвратено со зборови. Сепак, кучињата имаат свои суптилни начини на покажување наклонетост кои честопати остануваат незабележани од нивните човечки придружници.
Според Кинолошкиот клуб, кучињата имаат поголема веројатност да зеваат кога тоа го прават и нивните сопственици, бидејќи зевањето сепак е заразно.
Истражувањата покажуваат дека луѓето кои фаќаат проѕевање од друга личност имаат тенденција да имаат подобри социјални вештини, и се смета дека ова помага да се покаже емпатија кон личноста што зева.
Применувајќи го на кучињата, д-р Брајан Харе, автор на „Генијот на кучињата“ и основач на Центарот за кучешко спознание на Универзитетот Дјук, открива како тоа е можно.
„Разумно е да се претпостави дека кучињата кои зеваат кога нивните сопственици го прават тоа се емотивно повеќе поврзани со нив. Тие нè разбираат на начини на кои другите животни не можат, вклучувајќи ги и големите мајмуни“.
Студијата спроведена на Универзитетот во Токио покажа дека нешто повеќе од половина од набљудуваните кучиња зеваат откако го виделе тоа како нивните сопственици.
Истражувачкиот тим ги следел и реакциите на кучињата кои гледале како некој непознат се проѕева – кучињата зевале речиси половина од почесто во такви случаи.
„Нашите резултати покажуваат дека емотивната врска меѓу луѓето и нивните кучиња може да биде взаемна“, рече Тереза Ромеро, истражувач на однесувањето на животните што ја водеше студијата.
„Ромеро вели дека заразното зевање може да биде начин животните кои живеат заедно да ги координираат своите активности. Бидејќи кучињата и луѓето живееле заедно помеѓу 14.000 и 30.000 години, заразното прозевање може да има длабоки корени во еволутивната историја на кучињата. -Постојаниот однос со нас можеби им овозможи да ги преминат границите на видовите и да го почувствуваат она што ние го чувствуваме“, додаваат од Кинолошкиот клуб.
