Екипата на Далас ја победи Минесота со 116:107 и на тој начин поведе со 3:0 во финалната плејоф-серија во Западната конференција. Во серијата што се игра до четири победи, на Далас му треба само уште една за да ги „збрише“ волците за големото финале во најсилната лига. Никогаш во историјата на плејофот не загубил тим по водство од 3:0. Откако ги доби двата воведни натпревара во Минеаполис, Далас сега славеше на првиот домашен натпревар од финалето на конференцијата.
Лука Дончиќ и Кари Ирвинг повторно беа на високо ниво. Ѕвездите на Далас постигнаа по 33 поени. Ирвинг имаше подобар шут од поле (12/20 наспроти 10/20 на Дончиќ), 3 скока и 4 асистенции. Дончиќ беше подобар во другите клучни категории, со 7 скока и 5 асистенции. Тој додаде и 5 украдени топки. Асовите на Мавси повторно беа најдобри кога беше најпотребно. Во последната четвртина, Ирвинг (14 поени) и Дончиќ (7) постигнаа поен повеќе од сите играчи на Волвси заедно.
- Не знам што да кажам, но одлично се чувствуваме. Мораме да размислуваме за следното. Мора да играме со истиот менталитет, тие нема да се откажат – истакна Дончиќ.
Во последната четвртина, Далас ја ограничи Минесота на само 20 поени.
- Се задржавме на нашиот план на игра. Јас и Кари ја зедовме топката, и сите придонесоа. П.Џ. Вашингтон погоди важна тројка. Немам што да кажам, сите беа одлични – додаде Дончиќ.
