Доктор Емир Солаковиќ, општ и кардиоваскуларен хирург, сподели совети за исхрана.
Тој ја истакна важноста на појадокот за жените и мажите, нагласувајќи ги разликите во препорачаниот оброк. Тој смета дека е оптимално да се спие околу 6 до 7 часа, нагласувајќи дека подолгото спиење може да биде знак за неправилности. Премногу сон може да биде резултат на прекумерна работа, стрес или болест.
Солаковиќ нагласи дека дебелите луѓе имаат поголем ризик да се разболат и истакна дека повеќето од нив го прескокнуваат појадокот, често јадат нездрава храна и не вежбаат доволно. Тој препорачува да се пие чај веднаш по будењето со цел да се исфрлат од телото токсините насобрани во текот на ноќта. Потоа го препорачува внесувањето на јајца како извор на протеини, наведувајќи ги идеалните пропорции за жените и мажите.
Препорачаниот појадок за жените е изматени јајца од 3 белки и едно цело јајце, додека за мажите препорачува матени јајца од 5 белки и едно цело јајце. Тој исто така ја нагласува важноста од конзумирање на здрави масти и предлага во садот да се додаде маслиново масло.
Овие масти се неопходни за здрава кожа, веѓи, коса и нокти. Без разлика на полот, овој појадок се препорачува секојдневно да се јаде, без леб, пренесува ТВ Хајат.
