Генералниот директор на Светската здравствена организација Тедрос Аданом Гебрејесус бил на аеродромот во Сана, главниот град на Јемен, во моментот на денешниот израелски напад.
„Додека се подготвувавме да се качиме на нашиот лет од Сана, пред околу два часа, аеродромот беше бомбардиран од воздух. Еден од членовите на екипажот на нашиот авион е повреден. Најмалку две лица загинаа на аеродромот. Кулата за контрола на летање, салонот за поаѓање – на само неколку метри од местото каде што бевме – и пистата беа оштетени“, рече Гебрејесус.
Телевизијата на јеменското бунтовничко движење Хути – Ал Масира јави дека најмалку две лица загинале во израелските напади на меѓународниот аеродром.
