Европската унија во март треба да воведе забрана за патување и да ги замрзне имотите на сојузниците на рускиот претседател Владимир Путин, изјавија дипломати.
Како што пренесуваат странските агенции, санкциите, како одговор на затворањето на главниот домашен критичар на Путин, Алексеј Навални, може да бидат наметнати според новата рамка на ЕУ усвоена во декември, што му овозможува на европскиот блок да преземе мерки против оние кои ги кршат човековите права низ целиот свет.
–
Министрите за надворешни работи на ЕУ ќе се состанаат на 22 март.
На вчерашниот состанок на амбасадорите на ЕУ беше изразена широка поддршка за санкциите, така што и Шведска, Германија, Франција, Полска и балтичките земји повикаа на забрана за патување и замрзнување на имотот.
Извор:МИА
