Ден на жалост во Србија, тридневна жалост во Нови Сад

Денеска во Србија е Ден на жалост, прогласен поради смртта на 14 лица кога врз нив паднал покривот на Железничката станица во Нови Сад.

Бетонската конструкција на Железничката станица се урна пред пладне, при што загинаа 14 лица, а тројца беа тешко повредени.

Одлуката за прогласување Ден на жалост во цела Србија ја потпиша премиерот Милош Вучевиќ.

Во Нови Сад, градоначалникот Милан Ѓуриќ прогласи тридневна жалост.