Не се случува често да одите во театар и врз вас да падне да актер. Токму оваа сцена ја снајде Џоана, млада жена од Сари, кога Сер Иан Мекелен падна од сцената во театарот Ноел Куард.
„Да ви падне Сивиот Гандалф е нешто што не го очекувате“, рекла Џоана, која била пренесена во болница со повреди на меките ткива, пренесува Би-Би-Си.
Триесетгодишната девојка доби билети во првиот ред за да го погледне шоуто со нејзиниот брат и пријател.
Таа рече дека тоа било „фантастична продукција“ и дека тројцата уживале, се до сцената кога сер Иан колабирал.
Џоана рече дека актерот се чини дека „се сопнал на реквизит“ што бил на сцената.
„Кога се сопна, налета на мене и ме удри во главата“, рече таа.
Џоана рече дека седела со скрстени нозе, а главата на Сер Иан „прилично силно“ удрила во нејзиното колено.
Таа рече дека актерот врескал за помош и дека е „потресена од се“.
Персоналот, вели таа, притрча да му помогне на актерот, театарот беше евакуиран.
Во меѓувреме во фоајето ѝ помогнале две жени кои виделе дека е „во неволја“.
