Српската атлетичарка Ивана Вулета го освои златниот медал на Европското првенство во Минхен, што е вторпат во нејзината кариера да стане најдобра на стариот континент.
Со мајсторски скок, веќе во првата серија (7,06 метри) го постигна најдобриот резултат сезонава и направи чекор кон златниот медал, кој до крајот никој не можеше да ја достигне. А единствените солзи кои ѝ дојдоа беа солзи радосници, бидејќи добро се сеќаваше дека пред четири години во Германија се здобила со тешка повреда…
Со неа секако беше тренерот Горан Обрадовиќ, додека нејзиниот сопруг Марко Вулета овој пат следеше сè „од далечина“ и штом се официјализираше дека Ивана повторно е европска шампионка – објави на Инстаграм.
-Знае ли вашата жена да лета?, напиша Марко Вулета и додаде дека е доволен само еден скок.
-Ова го чекав четири години. Во меѓувреме, пак, Михамбо стана светска шампионка и олимписка победничка, од нејзиниот прв медал во 2016 година, постојано бевме тука некаде во секој можен поглед. Атмосферата беше фантастична, ја погледнав публиката, не можев а да не се изненадам и погледнав како изгледа пред полн стадион. Сакав да го искористам тоа, изјави „летачката“ Ивана по нејзиниот настап во финалето.
