Маратонот во Виена, кој се одржа по едногодишна пауза поради пандемијата, најбрзо го истрча Етиопјанецот Дерара Хуриса, минувајќи ја патеката за 2:09:22 минути.
Сепак, тој беше дисквалификуван по одлука на организаторите, а победата му припадна на Кениецот Леонард Лангат.
Хуриса беше дисквалификуван бидејќи трчал со патики што не одговараа на правилникот. Имено, дозволени се патики со ѓон со максимална дебелина од 40 милиметри, а Хуриса трчаше во патики со ѓон со дебелина од 50 милиметри.
Инаку, круната влијаеше на бројот на учесници, од кои годинава имаше околу 26.000. Во „нормални“ времиња, на овој маратон се појавуваа околу 40.000 учесници.
Портпаролот на маратонот, Адреас Мајер, исто така, посочи дека голем број учесници од странство оваа година не можеле да пристигнат во Австрија поради епидемиските мерки за влез во земјата.
Маратонот се одржа со строг концепт за хигиена и почитување на мерките за корона.
- Ова беше најважниот маратон од 1984 година, кога беше воспоставен. Тоа е еден од најголемите маратони со големо меѓународно учество. Беше тешко да се добијат сите одобренија, истакна организаторот Волфганг Конрад.
