Пожар го зафати научниот центар на Тесла во Варденклиф, единствената преостаната лабораторија на Тесла на Лонг Ајленд, Њујорк, соопшти американската полиција.
Пожарот избувнал во Научниот центар Тесла на Рандал Роуд во Шорехам нешто пред 17 часот во вторникот, пренесува News12.
Зградата датира од 1901 година и беше последната постојана лабораторија на Никола Тесла.
Тесла живеел во Шорехам околу три години и направил револуционерни откритија во областа на електричната енергија и безжичната технологија.
This is such a sad day for history. Nikola Tesla's Wardenclyffe lab in Shoreham on fire. 😢 pic.twitter.com/Sr2Kypq0bL
— 𝐃𝐚𝐫𝐫𝐚𝐧 Ⓜ️ 𝐇𝐚𝐧𝐝𝐬𝐡𝐚𝐰 (@Engineer7601) November 22, 2023
Еден пожарникар е повреден и хоспитализиран при гаснење на пожарот, јавуваат локалните медиуми, наведувајќи дека се уште не е познат степенот на штетата.
Објектот во моментов е во обемна реконструкција.
