Гасификација на Кавадарци, прочистителна станица, бизнис центар, проект зелена општина, регионален откупен центар, се дел од приоритетните проекти од програмата на Горан Тодоров, кандидат за градоначалник на СДСМ и коалицијата.
– Направивме рехабилитација на регионалниот пат Кавадарци-Росоман, рехабилитација на патот Возарци-Раец-Фариш, извршивме изградба на пат Мушов Гроб-Мрежичко, изградивме велосипедска патека, нов мост во село Ваташа, детската градинка и спортска сала се при крај, рече меѓу другото Тодоров.
Тој се осврна на сите реализирани витални проекти во вредност од околу 11 милиони евра.
-Во изминативе четири ипол години, наместо во барок и споменици, инвестиравме во инфраструктура. Изградивме нови улици и патишта, водоводи, канализации, градинки, училишта, спортски сали. Резултатот е видлив. За овој период Владата предводена од СДСМ, реализираше голем број на инфраструктурни проекти од витално значење за граѓаните на Кавадарци, нагласи Тодоров.
