Менаџерот на англискиот второлигаш Лидс Јунајтед, Марсело Биелса, го потврди тоа што англиските медиуми со денови го шпекулираа дека лидерот на табелата ги шпиунирал сите свои ривали кога е во прашање актуелната сезона.
Големиот скандал изби минатата недела кога од Дерби забележале како менаџерот на Лидс ги шпионира во нивната база и поради таквата ситуација биле принудени да ја повикаат и полицијата.
Таквото однесување се смета за неетичко, а лидерот во шампионатот се извини на „овните“, но излегува дека ова било вообичаена практика уште од почетокот на сезоната.
- Секој има право на мислење, а многумина не го одобруваат моето однесување. Тие велат дека тоа не е етичко и морално. Јас сепак го следев секој противник против кој игравме. Го следевме нивниот тренинг пред натпреварите. Можеме да расправаме дали е етички, но сигурно не го прекршивме законот, изјави Биелса.