Пеп Гвардиола е без сомнение еден од најдобрите тренери во светот во моментов, а во Манчестер Сити пристигна во летото 2016 година.
„Граѓаните“ го ангажираа шпански за до конечно биде освоен трофејот во ЛШ, што и го направија лани, а за доминацијата во Англија нема потреба да се трошат зборови.
Но, она што навистина ги загрижува клупските челници во моментов е фактот дека договорот на Гвардиола истекува следното лето и работите не изгледаат многу ветувачки кога станува збор за продолжувањето на соработката.
Пред неколку месеци Гвардиола призна дека моментално е многу поблиску до заминување отколку да остане на „Итихад“ и се чини дека ситуацијата не е променета.
Од друга страна, челниците на Сити се прилично децидни и не сакаат Гвардиол да ја донесе својата одлука на крајот на сезоната.
На челниците на Сити не им се допаѓа најавата на Гвардиола дека ќе донесе одлука на крајот од сезоната бидејќи сакаат да имаат повеќе време да најдат нов тренер доколку тој реши да ги спакува куферите и да го напушти „Итихад“.
Англиските медиуми пишуваат дека Сити дури му поставил ултиматум на шпанскиот стручњак и јасен рок до кој мора да се изјасни дали ќе го продолжи договорот со нив или не.
„Скај Спортс“ пренесува дека челниците на англискиот шампион јасно му порачале на Гвардиола дека мора да ги извести за одлуката најдоцна до Божиќ оваа година за да знаат што да прават потоа.
Со Сити трофејниот стручњак шест пати беше шампион на Англија, а покрај ЛШ, го освои и Светското клупско првенство, двапати ФА Купот, трофејот во Суперкупот на УЕФА, четири трофеи во англискиот Лига куп и три пати го освои Комјунити Шилд.
