Банкротите на компании значително се зголемија во целиот свет во 2018-та година, пишува „Фигаро“, повикувајќи се на студија на кредитниот осигурител „Euler Hermes“ во 43 земји, претставувајќи 83 проценти од светскиот БДП.
Ова особено нагло е зголемено во Кина со 60%, но е суштинско и во Западна Европа со 2 проценти.
Во целиот свет банкротите се зголемиле за 10 проценти, потврдувајќи го трендот кој започна во 2017-та година, по седумте последователни години на пад. Се очекува дека во 2019-та година банкротите да се зголемат за уште 6 отсто.
Авторите на студијата очекуваат економскиот раст постепено да стане недоволен за се поголем број компании поради производствените трошоци, рефинансирањето на трошоците и структурните предизвици.
Бизнисите страдаат од падот на побарувачката, но и од лесното финансирање со ниски каматни стапки во последниве години.
Во Велика Британија, каде што ситуацијата е комплицирана пореди „Brexit“, банкротите пораснале за 12 проценти во минатата година.
Во Кина оваа година се очекува бројката да се зголеми за уште 20 отсто, а во Западна Европа за уште 3 отсто.
