На Благој Веселинов вчеравечер во Палатата на Берлинале му беше врачена наградата “Шутинг старс“, што ја доделува платформата Европска филмска промоција (ЕФП).
Наградите на македонскиот актер и на останатите 9 најдобри актерски таленти во подем во Европа им ги врачија членовите на овогодишното жири за оваа програма, режисерката Теона Митевска и актерот Ингвар Сигурдсон од Исланд.
Освен главната ѕвезда на “Исцелител”, годинешни добитници на наградата се актери од Ирска, Шведска, Полска, Данска, Германија, Норвешка, Исланд, Србија и Естонија.
“Шутинг старс” е иницијатива за промоција на европскиот талент на меѓународниот филмски маркет, а од првата награда во 1998 досега, на Берлиналето се претставени 303 наградени актери и актерки.
Од Македонија оваа награда ја имаат добиено Лабина Митевска во 2009, Наташа Петровиќ во 2011.