Долги редици, хаос и тепачка над фрижидерите забележана е во неколку продавници на познатиот ланец маркети Лидл во Србија. Причината е банална – ќебапи на акција!.
На социјалните мрежи се појави и снимка од тепачка меѓу повозрасни граѓани, а на неа се гледа како постара жена се обидува да земе пакет ќебапи додека во исто време ги спречува другите да ги земат.
Голем број повозрасни граѓани се собраа на акцијата во Лидл, која предизвика тотален хаос. Не се гледа кој што зема и колку пакети, луѓето викаат, се туркаат, а споменатата жена во еден момент дури со горниот дел од телото „влегла“ во фрижидерот за да ги одбрани пакетите кои имала намера да ги земе.
Промоцијата на Лидл за свински и говедски ќебапи завршува денеска, а цената за килограм е 319,99 динари. Акцијата започна во четврток на 23 март, а завршува денеска, поради што настана гужва и тепачка.
Слична ситуација е забележана и во Станово кај Крагуевац. Од истата причина таму настана хаос поради попустот на ќебапите.
View this post on Instagram
