„Вешта жена” во недела во село Курија

419

Манифестацијата „Етно вешта жена” од републички карактер, ќе се реализира во недела во неготинското село Курија, информираше денеска Лилјана Вучкова, претседател на организацијата „Вешта жена” од Неготино.

– Очекуваме до 1.500 вешти жени од целата држава. Сите тие ќе се претстават со етно специјалитети од својот крај. Вештите изработки ќе бидат на продажба, а собраните финансиски средства ќе се донираат на локалната црква „Свети Ѓорѓи”. Очекуваме и многу други гости, а за сите присутни ќе биде обезбедено бесплатно гравче за ручек. Присутните ќе се забавуваат со жива свирка, соопшти Вучкова.

Таа се заблагодари за поддршката на општината Неготино и спонзорите кои ја помогнале организацијата на манифестацијата.

Минатата година, домаќин на етно вештите жени од државата, беше кавадаречкото село Чемерско.