Хрватската ракометна репрезентација заврши на 11. место на Европското првенство во Германија. Обложувалниците ѝ предвидуваа дека ќе биде на истата позиција пред турнирот, но очекувањата се зголемија по фантастичната победа против Шпанија на отворањето на турнирот. На крајот тој пласман е прогласен за неуспех, па почна потрагата и по виновникот.
Селекторот Горан Перковац, вообичаено е прв на списокот, но е убеден дека ќе остане на клупата. Во случај на негово отказ, ракометниот стручњак Ненад Кљаиќ изјави дека за селектор го гледа Црногорецот Веселин Вујовиќ.
Оваа идеја не му се допадна на легендарниот капитен на Хрватска, Петар Метличиќ, но ниту на потпретседателот на Хрватскиот ракометен сојуз, Зоран Гобац.
„Го ценам Вујовиќ како човек и тренер, но… Во хрватскиот ракомет има доволен број стручњаци кои можат да ја играат улогата на селектор, така што таму нема проблем. Вујовиќ исклучително го ценам како тренер и како човек, но хрватската репрезентација е една работа, а РК Загреб е друго. Никој не разговарал со Вујовиќ за селекторската позиција, ниту ќе разговара. Вујовиќ сигурно никогаш нема да биде селектор на хрватската ракометна репрезентација“, изјави Гобац за Индекс.
Но, Вујовиќ е омилен кај хрватските ракометни фанови. Токму Индекс направи анкета за тоа кој треба да биде селектор на Хрватска, а по скоро 50.000 гласа во убедливо водство е црногорскиот стратег.
