Бурек со фил од грав и колбаси, сирење и сланина, со чиа семе, интегрален бурек, како и претходно најавениот бурек со моравска салата ги очекува посетителите на Денот на бурекот во Ниш, кој ќе трае од четврток, 17 до 20 август.
Покрај изложбениот дел во кој бурекџиите ќе ги претстават своите производи, организаторите го најавуваат и натпреварувачкиот дел во кој ќе учествуваат пет пекари од Ниш и еден од Крушевац, вели организаторот Братислав Вукадиновиќ и додава дека причина за недоволниот број пријавени натпреварувачи е недостигот на мајстори пекари во Србија.
Исто така, најавено е дека на манифестацијата ќе можат да дојдат и оние кои постат бидејќи пекарите ќе прават посен бурек и сукани пити со палмово масло.
