Најдобриот тенисер на сите времиња Новак Ѓоковиќ одлучи да направи мала пауза во кариерата, откако играше за Србија во Дејвис купот и донесе две победи против Грција за опстанок во Светската група. Веднаш по тие обврски тој замина во Бугарија на ревијален меч против неговиот голем пријател Григор Димитров, а таму имаше најмалку тенис.
Григор и Новак се соблекоа пред полна сала, отпеаја народна песна која е многу популарна и во Србија, а патем ги оставија децата да играат неколку поени и да имаат искуство кое ќе го паметат засекогаш. По натпреварот забавата се пресели во ноќен клубот, каде што повторно заедно пееја Новак Ѓоковиќ и Григор Димитров, но овој пат со Камелија, позната бугарска фолкерка.
Таа му го отпеа својот голем хит „Луда по тебе“ на најдобриот тенисер на сите времиња, па дури и наплати 10.000 евра! Локалните медиуми тврдат дека забавата траела до пет часот наутро, па може да се каже дека Камелија во целост ги оправдала заработените пари, бидејќи цела ноќ ги забавувала специјалните гости.
Прославата беше организирана во познат клуб во Софија, но во целосна тајност. Подоцна на него беше поканет дури и градоначалникот на Софија, а Камелија се согласи да се појави за „дебел“ хонорар иако тие денови не требаше да биде во главниот град на Бугарија. На крајот на краиштата, не секој ден добивате шанса да пеете пред Новак Ѓоковиќ, па поранешната зајачица на „Плејбој“ ја искористи можноста и добро да заработи.
Инаку, нејзината песна „Луда по тебе“ е копија на песната на Лепа Брена „Луда за тобом“, но отпеана на бугарски јазик, со музика во позадина која е украдена од Грција. На Балканот таа стекна голема популарност по „Јужен ветер“, во кој беше користена бугарската верзија на песната.
