Борис Бекер му „заби“ нож в грб на Новак Ѓоковиќ

Српскиот тенисер Новак Ѓоковиќ падна на шестото место на АТП-листата, бидејќи не учествува на завршниот мастерс во Торино и се чини дека, поради ова, многумина веќе го отпишаа за следната сезона. Не е неочекувано, но тоа е кога во таа група луѓе е и неговиот поранешен тренер, Германецот Борис Бекер.

Славниот Германец му го подари пехарот за најдобар во 2024 година на Јаник Синер, кому, и покрај тоа што два пати падна на допинг-тест, му беше дозволено да продолжи да се натпреварува. Притоа го пофали младиот Италијанец, кој има германско потекло.

– Воопшто не ме чуди што е Синер број 1. Го познавам долго време, тој отсекогаш беше талентиран, но она по што се издвојуваше беше неговата решителност,  секогаш сè ставаше во втор план поради тенисот. Стабилноста што ја има во својата игра е неверојатна за некој на 23 години. Тој отсекогаш го имал тоа високо ниво, неговата игра никогаш не паѓа и навистина не сум изненаден. Мислам дека ќе биде околу местото број 1 долго време. Вистина е дека ги имаме Алкараз и многу други, но убеден сум дека тој ќе доминира уште долго – рече Бекер без да го спомене Ноле.

На специјалниот настан по повод наградата што ја заслужи Јаник Синер на крајот од календарската година, зборуваше првиот човек на АТП, Андреа Гауденци, инаку негов сонародник, кој го поддржа среде допинг-аферата.

– Да се ​​биде број 1 е огромен успех во нашиот спорт. Треба да се биде не само одличен тенисер туку и да се постигнуваат успеси цела година за искачување на оваа највисока планина. Само 29-мина тенисери успеале да го сторат ова во историјата, од Илија Настасе во 1973 година до Јаник Синер во 2024 година, последен во таа серија – нагласи Гауденци.

Синер годинава ги освои првите грен-слем титули – Австралија опен и САД опен, а пред еден месец и математички го обезбеди првото место на АТП-листата, на крајот од годината.

– Нема подобро место за славење на овој трофеј. Ви благодариме за поддршката – изјави Синер при доделувањето на трофејот на завршниот турнир во Торино.