Отсекогаш ве мачело прашањето како да се олесни процесот на чистење и, уште поважно, како да се направи тоа доволно ефикасно. За среќа, постојат неколку малку познати трикови кои ќе ви помогнат да ја одржувате облеката и куќата чиста и свежа подолго. Погледнете ги овие неверојатни идеи за брзо воведување на ред во општиот хаос.
Собирање на расфрлани работи (15 мин.)
За да имате „чиста“ куќа, прво мора да ги ставите работите на нивно место. Куќата во која живеат деца треба да има функционален мебел. Најкорисни работи се фиоки, полици, кутии направени од картон или пластика, итн. Секоја работа мора да има свое место, особено во дневната и во детската соба. Ако се вооружите со кутии, работите ќе ги соберете за кратко време.
Дневна соба: корисна е едноставна или декоративна чинија за далечински управувач, чаша за пенкала што се секогаш наоколу, папка за сите хартии со белешки, посебно место за весници итн.
Детска соба: пластични кутии за играчки, по можност обележани со натпис или слика за помали деца (коцки, кукли, количка и др.), во кои брзо се вметнуваат играчки, дури и да има бодови како во кошарката.
Кревет: Затегнете ги преслеките и перниците пред да пристигнат гостите бидејќи тие даваат чувство на уредност.
Откако ќе го отстраните очигледниот хаос, може да преминете на чистење.
Средување на кујната (15 мин.)
Ако имате машина за миење садови, ќе ви биде лесно да ја наполните и да ја затворите. Ако не ја користите секој ден, подобро е да ставите соодветен мирисен додаток во корпата за да ги отстраните непријатните мириси. Ако немате машина, ќе ви треба повеќе време да ги отстраните валканите садови ако дозволите мијалникот да се наполни. Кога и да успеете, веднаш измијте ги садовите без одлагање. Измијте ја масата со сунѓер и избришете ја со крпа или кујнска хартија. Брзо исчистете го просторот за складирање храна со топла вода и сапун (или еколошка алтернатива – мешавина од топла вода и сода бикарбона или топла вода и оцет).
Чистење на бања (10 мин.)
Можете да започнете со даската од веце шолјата, да ја испрскате со некое средство за дезинфекција или еколошки производ и да ја избришете со кујнска хартија, да испрскате неколку од многуте средства за чистење што се достапни на пазарот во внатрешниот дел, кои истовремено дезинфицираат, го отстрануваат бигорот и мирисот. Мијалникот лесно и брзо се мие со сунѓер што не гребе и топла вода (со некое средство против бигор или топла вода и оцет исто така се добри за отстранување на нечистотија) и ќе му дадете сјај поминувајќи го потоа со крпа.
Прашина по соби (10 мин.)
Може да се ограничите на бришење со спреј или специјална крпа што собира прашина со преминување на полици, телевизори, музички инструменти и сите видливи површини. Можете исто така да прскате миризлива течност против брзото собирање прашина. Протресете ги ќебињата ако не сте го направиле тоа веќе.
Поминување со метла (5 мин.)
Уште подобро е ако имате една од тие магични метли со електростатска покривка за прашина. Можете брзо да ги преминете сите простории, почнувајќи од спалните соби (за да не носите остатоци од храна од кујната низ целата куќа) и соберете ја сета нечистотија во еден агол, за полесно да ја земете со раширена крпа на крајот.
Миење подови (5 мин.)
Миењето на подот честопати не е потребно ако е добро поминато со метла или правосмукалка. Кога сè уште треба да се измие, најдобро е да користите крпа, потопена во соодветен раствор на млака вода и средства за чистење, а потоа добро исцедена. За тоа време отворете ги прозорците со цел подот брзо да се исуши и истовремено ќе ја проветрите целата куќа. (M.A.)
