Без вода денеска од 10:00 часот се корисниците од улиците „Цветан Димов“, „Коста Абрашевиќ“, „Панче Неделковски“ и „Џон Кенеди“ во Општина Чаир.
Како што соопшти Регионалниот центар за управување со кризи-Скопје, прекинот е поради дефект на улицата „Цветан Димов“ бр. 98 во населбата Чаир.
Корисниците ќе бидат без вода се до санирање на дефектот.
И неколку улици во Шуто Оризари денеска ќа имаат прекин со водоснабдувањето, информираат од јавното претпријатие „Водовод и канализација”.
– Поради промена на неколку затворачи на улицата „Вашингтонска“ 65, со прекинато водоснабдување ќе бидат корисниците од „Вашингтонска“, како и од улиците „Че Гевара“ и „Бутелски Венец“, соопштија од „Водовод и канализација“. Без вода овие улици ќе бидат се до завршување на работните активности.
