Ракометарите на Барселона успеја да се опорават по поразот од Вардар во полуфиналето на завршниот турнор во Лигата на шампионите во Келн. Во мечот за трето место каталонскиот тим стигна до бронзениот медал по победата над Киелце со 40:35.
Дика Мем со осум гола беше прв стрелец во победата на Барселона, Јуре Доленец постигна седум.
Барселона минатата година не беше дел од Ф4 турнирот, пред две сезони по полуфиналниот пораз од вардар, во дуелот за третото место беше поразена од Веспрем.
Последен пат шампионската титула, Бара ја освои во 2015, а Киелце беше шампион една година подоцна.
