Се чини дека и ова лето ќе биде клучно кога е во прашање трансфер политиката на Барселона. Каталонскиот гигант сака да создаде ударна четворка и сака да се вратат на врвот од шпанскиот и европскиот клупски фудбал.
Феноменалниот 17-годишен Ламин Јамал е голем скапоцен камен на каталонскиот тим, а нему би можеле да му се придружат уште тројца колеги од шпанската репрезентација која неодамна ја освои титулата европски првак.
Нико Вилијамс е голема желба на Барса и во наредните денови ќе почнат преговори со Атлетик Билбао околу реализација на овој трансфер.
Покрај Вилијамс цел на Барселона е и играчот од средниот ред на Реал Сосиедад, Микел Мерино (28).
Споменатите двајца фудбалери заедно вредат 120 милиони евра, а каков е планот на Барселона во однос на нивното доведување ќе видиме.
Трета желба на „Ноу Камп“ е Дани Олмо. Шпанските медиуми пренесуваат дека овој трансфер наводно е блиску до реализација бидејќи Барселона е подготвена да му плати на РБ Лајпциг 60 милиони евра за обештетувањето.
Фантастичниот 26-годишен играч за врска оваа недела доби официјална понуда од каталонскиот гигант. Менаџерот Енди Бара доби повик од Каталонија, а на Олмо му е понуден шестгодишен договор. Бројките кога е во прашање платата и бонусите се уште се непознати.
Со споменатите тројца фудбалери и веќе присутниот Јамал, Барселона би можела да го има еден од најсилните „покери“ во светот на фудбалот. Тоа би била и мала шпанска репрезентација на „Ноу Камп“.
Во Барселона размислуваат и за продажба на неколку фудбалери и веруваат дека би можеле да заработат одредена сума пари која потоа би била искористена за реализацијата на споменатите три трансфери.
Во Барселона веруваат дека следната сезона може да биде многу подобра од резултатска гледна точка.
