Барањето од Основниот суд Скопје 1, за симнување на пратеничкиот имунитет на осомничениот Трајко Вељаноски, стигна кај претседателот на Собранието Талат Џафери, пренесуваат медиумите. Потврда стигна и од неговиот кабинет. Барањето треба да биде ставено на дневен ред на седница на Комисијата за мандатно-имунитетни прашања, а потоа да се гласа. Според деловникот, комисијата треба да го разгледа барањето и во рок од два дена да достави извештај до претседателот на парламентот.
