Во срцето на пустината Каракум во Туркменистан се наоѓа еден од најфасцинантните природни феномени во светот – гасниот кратер Дарваза, попознат како „Пoртите на пеколот“.
Овој кратер непрекинато гори повеќе од 50 години и создава спектакуларна глетка која привлекува посетители од целиот свет.
Точното потекло на овој феномен сè уште е предмет на дебата. Според најраспространетата теорија, раседот настанал во 1971 година кога советските геолози случајно пробиле шуплина исполнета со природен гас за време на истражување на нафта.
Советските геолози, загрижени за потенцијалната еколошка катастрофа и труење на жителите на околните села, решија да го запалат гасот со надеж дека огнот ќе гори неколку недели пред да изгасне. Но, нивната проценка се покажа како сосема погрешна – пожарот гори веќе 53 години без знаци на гаснење.
Кратерот Дарваза има импресивни димензии: широк е 70 метри, длабок 30 метри, а температурите достигнуваат и до 1000°C.
Во 2013 година, истражувачот Џорџ Курунис стана првиот човек што се спуштил на дното на кратерот. За време на 17-минутното спуштање, тој собра примероци од почвата.
Анализата на примероците откри присуство на екстремофили – бактерии кои се адаптирале на живот во услови на висока температура и ниско ниво на хранливи материи. Откритието имаше значителни импликации за астробиологијата и потрагата по живот на други планети со средини богати со метан.
