Цели три месеци беше без клуб, а на крајот, сосема неочекувано, Адриен Рабио ја прифати понудата на францускиот гигант Олимпик од Марсеј. Јасно е дека искусниот играч за врска можеше да заврши во многу подобар тим, но и овојпат неговата мајка уништи се.
Рабио ги помина претходните пет години во Јувентус, но реши да го напушти клубот од Торино ова лето откако му истече договорот.
Се чинеше дека францускиот играч за врска нема да има проблем да најде нов ангажман бидејќи за него интерес покажаа неколку клубови, но на крајот направи неочекуван потег и заврши на „Велодром“.
Рабио на почетокот на преодниот рок беше поврзуван со Барселона, а подоцна голем интерес за него покажа и Атлетико (М) со кој беше во преговори, но на крајот ниту од тоа не излезе ништо.
Покрај клубовите од Шпанија, интерес за Французинот покажаа и Манчестер Јунајтед, Ливерпул и Милан, а немаше навестување дека Рабиот на крајот би можел да се врати во татковината.
Сепак, француските медиуми објавија дека неговата мајка Вероник, која е и негов агент, повторно уништила се. Таа е позната по своите нереални барања при преговорите со клубовите, а европските гиганти не се согласија на она што таа го побара.
Диего Симеоне сакаше да го доведе Рабио во Атлетико, а самиот играч се согласи да замине во шпанскиот тим, но барањата на неговата мајка уништија се.
Вероник сакаше дарежлив бонус за себе за тоа потпишување, што на крајот доведе до тоа Атлетико (М) да се повлече од преговорите. Тоа го потврди и агентот Бруно Сатин, кој од Атлетико потврди дека мајката на Рабио е виновна што не потпишал за овој клуб.
„Еве ќе ви дадам конкретен пример. Разговарав со спортскиот директор на Атлетико на крајот на јули кога Рабиот требаше да потпише. Тој ми кажа дека по договорот со играчот, во два наврати разговарал со неговата мајка која имала нови барања и дека се откажале и веднаш прекинале контакт бидејќи била неподнослива“, изјави Сатин.
