Комесарот за проширување и соседска политика, Јоханес Хан, на својот Твитер профил објави дека имал корисен разговор со претседателот на ВМРО-ДПМНЕ Христијан Мицкоски.
„Бев кристално јасен дека ратификацијата на Договорот од Преспа мора да се финализира брзо и без никакви пречки. Ја поздравувам неговата посветеност да не го опструира процесот во Собранието. На ЕУ интеграциите им е потребна лојална опозиција“, напиша Хан на Твитер по средбата со Мицкоски на маргините на самитот на Европските народни партии во Хелсинки.
Useful talk w @VMRO_DPMNE leader @MickoskiHM @EPP #EPPHelsinki. I was crystal-clear that ratification of #Prespa Agreement must now b finalized fast, without any obstacle. I welcome his commitment not to obstruct procedure in Parliament. #EU integration needs a loyal opposition! pic.twitter.com/ypVJuup98r
— Johannes Hahn (@JHahnEU) November 7, 2018
Од ВМРО-ДПМНЕ соопштија дека на средбата Мицкоски нагласил дека стратешки приоритет на ВМРО-ДПМНЕ е членство на Република Македонија во Европската Унија и дека во таа насока партијата ќе продолжи да дава значителен придонес.
