Францускиот шампион ПСЖ го замени Манчестер Сити на врвот на финансиски најмоќните клубови. Ова го тврди најновата анализа на „Soccerex Football Finance 100“.
Парижаните имаат финансиски индекс од 5.318, што е утврдено со вредноста на составот на клубот, материјалните средства и расположливите финансии, како и од потенцијалните инвестиции на сопствениците и нето-долгот.
Студијата покажува дека ПСЖ успеал да го намали својот долг за 70 милиони евра во минатата година, додека оној на Манчестер Сити е зголемен за 90 милиони евра.
Германскиот шампион Баерн (М) ја комплетира првата тројка, додека англиски Тотенхем и шпански Реал (М) се другите два клуба во топ пет. Арсенал, Челзи, Ливерпул, Јувентус и Борусија (Дортмунд) се во првите 10.
Меѓу водечките клубови во Европа, Манчестер Јунајтед бележи голем пад од осум позиции и сега е на 16-то место на листата.
Најголемо присуство меѓу најдобрите 100 клубови има Премиер лигата на Англија, која има 18 претставници, на второто место е американската МЛС лига со 17.
Студијата го сместува Лос Анџелес на 18. место во светот, додека градскиот ривал Лос Анџелес Галакси е на 22-та позиција.
