Наскоро – ноќ што ќе ја маѓепса скопската публика!
Шоуто „Нина“ ќе ги наполни очите со фасцинантна приказна за животот на една обична девојка, која се соочува со изборот: дали да продолжи да игра според правилата и да се бори со тешкотиите што ѝ ги наметнува самиот живот или да ѝ се спротивстави на судбината? Дали да ја земе контролата во свои раце, по секоја цена? Љубов, љубомора, криминал, покајание – сето ова во шоуто насловено „Нина”
Иако за некои, можеби, е уште далеку Денот на вљубените, сепак, уште отсега се знае дека тој ден ќе биде одбележан во Скопје со ексклузивното светско музичко кабаре-шоу „Нина“. Настанот ќе се одржи во Македонската опера и балет, која по тој повод ќе блесне со спектакуларен перформанс. Доаѓа Бродвеј со магијата на џез-ерата, директно во срцето на македонската метропола.
Шоуто ќе ги наполни очите со фасцинантна приказна за животот на една обична девојка, која се соочува со изборот: дали да продолжи да игра според правилата и да се бори со тешкотиите што ѝ ги наметнува животот или да ѝ се спротивстави на судбината? Дали да ја земе контролата во свои раце, по секоја цена? Љубов, љубомора, криминал, покајание – сето ова и многу повеќе ќе видите во шоуто насловено „Нина”.
Вистина е дека секој гледач ќе биде маѓепсан од неочекуваните пресврти во приказната, детективските истраги, љубовните интриги и од блескавите слики што може да приреди само Холивуд. Шоуто секого ќе ве врати во гламурозната атмосфера на кабарето Бродвеј, со сите негови раскошни костими, извонредна музика и стилски танцови изведби.
– „Нина” е спектакл од големи размери и извонредно импресивно шоу од секој аспект. Благодарение на напорите на меѓународен тим професионалци, создадовме двокатна сцена со внатрешни лавиринти, обложена со големи ЛЕД-екрани, кои емитуваат специјално изработена видеосодржина. Сценографијата што ќе ја видат гледачите е толку реалистична што во еден момент ќе се почувствуваат ладните ветришта од затворската ќелија, додека во друг ќе се најдат како гости на најгласната свадба, а во трет ќе ја почувствуваат удобноста на елегантното кабаре.
Кореографијата во шоуто „Нина” ќе ги изненади дури и најпребирливите гледачи. Има енергични групни точки, нежни дуети и акробации. Овој спектакл е вистински празник за сите наши сетила. Ќе ве држи во неизвесност од првата минута и нема да ве пушти до самиот крај на претставата – велат и ветуваат организаторите.
