Лидерот на најголемата грчка опозициска партија, Нова демократија, Кирјакос Мицотакис, во неговиот говор, за време на расправата за ратификација на пристапниот Протокол за членство на Македонија во НАТО, повторно се осврна на македонскиот јазик и македонскиот идентитет, за кои рече дека владата ги признала за соседите, истакна дека правно се обврзани „да ги нарекуваме соседите, Македонци„.
– Јас никогаш нема да кажам добредојде за Македонецот премиер на земјата. Очекувам Вие да го кажете тоа, господине Ципрас. И очекувам господинот Апостолакис, да – посака добредојде во Грција на македонската војска кога ќе имаат заеднички вежби со грчката војска. Ова го имате потпишано, рече Мицотакис и уште еднаш го повтори неговиот став дека Нова демократија нема да го напушти правото за вето за интеграција во Европската Унија.
Мицотакис: Никогаш нема да кажам добредојде за Македонецот премиер
