„Мојот тим „Хурикејн“, гледајте ја четвртата сезона на „Луда ноќ“, напиша нашиот пејач Даниел Кајмакоски, кој по разводот од македонската убавица и манекенка Кристина Димитриевска, се пресели да живее во Белград.
Инаку, Кајмакоски почна многу убаво со кариерата, победи и во забавно-хуманитарното шоу „Твоето лице звучи познато“, каде што имаше улога да ги имитира своите колеги од естрадата.
Во меѓувреме се ожени, па се разведе од споменатата мисица. Тука некаде, со сè и подзастана…. Се пресметал дека во Македонија нема да може веќе да прави голема кариера, па си заминал во српската метропола. И, пак сè од почеток….
Во најновата објава на Инстаграм, тој сподели неколку фотографии и со девојките од српската група „Хурикејн“, кои требаше да ја претставуваат Србија на „Евровизија“, но сè отпадна поради коронавирусот.
Даниел со овие девојки како главната ѕвезда учествува во многу гледаната забавна емисија, „Луда ноќ“ на РТС, со сменет атрактивен имиџ. Д.М.
