Кои се и колку заработуваат најпознатите Хрвати?

Иако популарноста не мора да значи богатство, некои од најпознатите Хрвати успеаја да заработат милиони во кариерата. Според страницата Celebrity Net Worth, која ја следи заработката на познатите личности ширум светот, најбогат меѓу популарните Хрвати е Лука Модриќ.

Богатството на Модриќ се проценува на 72 милиони евра, што е приближно 580 милиони куни. За многумина тој е најуспешниот хрватски фудбалер на сите времиња. Во моментов игра за Реал (М) и хрватската фудбалска репрезентација, а неговиот придонес во спортот е препознаен на многу начини. Тој во повеќе наврати беше избран во најдобриот состав на Лигата на шампионите, додека во 2018 година освен што со Хрватска го освои среброто на Светското првенство во Русија, дома ја однесе и престижната „Златна топка“.

На второ место е Иван Ракитиќ, со проценета заработка од 28 милиони евра или околу 232 милиони куни. Иако е роден и израснат во Швајцарија, Ракитиќ беше важен репрезентативец на Хрватска. Во текот на кариерата играше за бројни врвни клубови, меѓу кои и Барселона, а неодамна дојде и во Хајдук, поради што живее во Сплит со сопругата и двете ќерки.

Стјепан Хаузер, половина од светски познатото дуо 2Cellos, си најде место меѓу најбогатите. Според проценките, Хаузер тежи околу осум милиони евра или 62 милиони куни. Неговиот талент за виолончело, заедно со глобалниот успех на дуото, му донесоа завидно богатство.

На листата се најде и Северина Вучковиќ, една од најпознатите хрватски пејачки. Северина во кариерата заработила околу пет милиони евра или 38 милиони куни. Со своите хитови и сценски настапи со години ја освојува публиката низ целиот регион.