ЕДФ планира да изгради уште шест реактори за да го исполни ветувањето на францускиот претседател Емануел Макрон од 2022 година за енергетската транзиција на земјата, иако сè уште не е познато како ќе се финансираат проектите.
Франција го поврза новиот нуклеарен реактор „Фламанвил 3“ на електричната мрежа во саботата наутро, што е првпат во последните 25 години, објави државната енергетска компанија ЕДФ.
Реакторот започна со работа во септември, пред приклучувањето, 12 години откако беше првично планирано, а чинеше околу 13 милијарди евра, четири пати повеќе отколку што беше предвидено.
„Екипите на ЕДФ успеаја во првото поврзување на Фламанвил ИПР на националниот грид во 11:48 часот. Реакторот сега произведува електрична енергија“, објави ЕДФ.
Тој реактор со моќност од 1,6 гигавати е најголемиот во Франција и еден од најмоќните во светот, заедно со кинескиот реактор Таишан со моќност од 1,75 гигавати и финскиот Олкилуото.
Тоа е првиот реактор поврзан на мрежата по Civaux 2 во 1999 година, а тоа се случува во времето на рекордниот француски извоз на електрична енергија.
ЕДФ планира да изгради уште шест реактори за да го исполни ветувањето на францускиот претседател Емануел Макрон од 2022 година за енергетската транзиција на земјата, иако сè уште не е познато како ќе се финансираат проектите.
ИЗДВОЕНИ
Јаневска: Мора да запре изработката на нарачани магистерски и докторски трудови за пари
Рендген-снимањата недостапни за скопјани, нема термини за итните упати
Станбениот квадрат стана поскап од златото, цената ќе се урива со новите државни станови!?
Новиот Кривичен законик жилет за високата корупција – ќе се конфискува и ќе се бара потекло на имот!
