„Фамилија Адамс“ е насловот на претставата што од неодамна се подготвува од ансамблот на Драмски театар – Скопје во режија на Теа Беговска. Имагинарната „Фамилија Адамс“ е креација на американскиот писател и карикатурист Чарлс Самјуел Адамс, познат по користењето на црниот хумор.
Сценографијата е на Никола Пијанманов, а Ратка Џамбазовска-Коцев и Раде Василев ги креираат костимите. Автор на музиката е Енес Беговски, а за кореографијата е задолжен Бојан Лазаров.
Актерите на Драмски театар: Предраг Павловски, Трајанка Илиева- Вељиќ, Гордана Ендровска, Нина Елзесер, Сашо Тасевски, Томислав Давидовски, Марјан Наумов, Емилија Мицевска, Златко Митрески и Маја Вељковиќ-Пановска ги играат ликовите во претставата „Фамилија Адамс“.
Како што соопштуваат од театарот, изведбата на претставата е најавена за 25 декември, што ќе биде четврта премиера од почетокот на годинава, а се реализира од сопствени средства на оваа театарска институција.
ИЗДВОЕНИ
Вевчанскиот карневал ќе се одржи од 12 до 14 јануари; Маските – слика и прилика на тоа што се случувало претходната година
Денеска е Светски ден на смеата: Како насмевката ве прави поздрави и посреќни?
Мобилен шпорет на кој ем се готви ем се произведува струја “мејд ин“ Македонија!
Пустош, пекол и катастрофа! ФОТОГРАФИЈА пред и по пожарот во Лос Анџелес
