Кои работни места ќе ги преземе вештачката интелигенција? На тоа прашање се обиделе да одговорат група професори од неколку престижни американски универзитети.
Група професори од Универзитетот во Њујорк, Универзитетот Принстон и Универзитетот во Пенсилванија во својот нов труд со наслов „Како четботите како ChatGPT ќе влијаат на професиите и различните индустрии?“ се обиде да расветли кои занимања ќе бидат првите што ќе бидат погодени од најбрзо растечката технологија во светот.
Иако научната работа сè уште не е целосно завршена, досегашните наоди се фасцинантни.
„Веруваме дека новите откритија во вештачката интелигенција најмногу ќе влијаат на работниците во телемаркетингот, а потоа на професорите кои предаваат јазици, литература и историја во средните училишта“, наведуваат научниците.
Меѓу главните индустрии каде вештачката интелигенција би можела да стане доминантна се правниот и финансискиот сектор.
